#TiranaZeroSpace/Ekspozita Ndërkombëtare e Arkitekturës, Venecia

Postuar më: 23 Prill 2018
Pavijoni shqiptar komisionohet dhe mbikëqyret nga Ministria e Kulturës e Republikës së Shqipërisë dhe kurohet nga një ekipi i kompozuar me kujdes dhe që ka si emërues të përbashkët qasjen e thellë kritike ndaj projektimit, një qasje kjo, që kërkon stimujt jo vetëm në botën vizuale, por gjithashtu inspirohet nga pëlhura sociale, njerëzimi, historia dhe kultura lokale si e tërë. Në konferencën për shtyp Ministrja e Kulturës, znj. Mirela Kumbaro theksoi se: "Ministria e Kulturës ka marrë përsipër përgjegjësinë ta transformojë në një projekt, që përmes arkitekturës ta përcjellë artistikisht në një publik ndërkombëtar, me një kalendar shumë të ngjeshur 6-mujor, duke synuar që të shkojmë jo vetëm në Venecia, por përtej Venecias, përtej Italisë, të bëjmë një ekspozitë shëtitëse. “Kati zero”, që ne në shqip i themi kati përdhes, atje ku ndodh gjithçka, ku është Tirana jonë me zhurmë, me ndryshim, pa zhurmë, me imazhe, me zërin e njerëzve që çdo ditë të jetojnë, çdo ditë të gëlojnë nëpër rrugët e Tiranës dhe të gjithë bashkë duam ta çojmë si një pasaportë në këtë ekspozitë botërore të arkitekturës".

"Rrugët e Besimit" ndalon në Roskovec. Nis puna për restaurimin e Kishës së Shën Kollit në Kurjan

Postuar më: 21 Prill 2018
"Projekti yne "Rrugët e Besimit" po zgjerohet dhe Ministria e Kulturës ka gjithmonë në vëmendjen të saj kryesore bashkëpunimin me partnere të rëndësishëm ku një vend të veçantë zë bashkëpunimi me pushtetin vendor. Jemi këtu për të theksuar se turizmi kulturor është një nga prioritetet e Ministrisë së Kulturës"- u shpreh Ministrja Mirela Kumbaro nga Kurjani i Roskovecit.

“NOCES & La stravaganza” udhëtojnë drejt Italisë. Turne i trupës së baletit të TKOB

Postuar më: 20 Prill 2018
Trupa e baletit e Teatrit Kombëtar të Operës dhe Baletit kapërcen kufijtë në një tur shfaqjesh në Itali. NOCES & La stravaganza, balet nga Angjelin Preljocaj do të prezantohet nga trupa e baletit në disa nga teatrot e rëndësishëm në “Teatro Giordano”, Foggia, “Teatro Garibaldi”, Bisceglie, “Teatro Abeliano”, Bari, “Teatro Apollo”, Leçe .

Folku shqiptar në zemër të Brukselit. Ansambli Kombëtar i Këngëve dhe Valleve Popullore në Festivalin(...)

Postuar më: 19 Prill 2018
Shqipëria do të prezantojë kulturën e gjallë në zemër të Brukselit, në sallën BOZAR, nga ku do të shpalosë ngjyrat, ritmet dhe energjinë e një vendi me identitet evropian, vetëm pak ditë pas hapjes së negociatave për anëtarësimin e Shqipërisë në BE. Në datat 19 - 22 prill në Bruksel nis Festivali Ndërkombëtar Kulturor “Balkan Trafik”, ku këtë vit, me mbështetjen e Ministrisë së Kulturës, Shqipëria do të përfaqësohet me Ansamblin Kombëtar të Këngëve dhe Valleve Popullore (AKKVP).

Turizmi kulturor në jug, rindërtohet kisha e Shën Thanasit në Dhërmi. Kumbaro : “Rrugët e besimit, destinacion(...)

Postuar më: 14 Prill 2018
Vetëm një vit më parë, Ministria e Kulturës dhe Instituti i Monumenteve të Kulturës, në mbledhjen e fundit të Këshillit Kombëtar të Restaurimit miratoi projektin e rindërtimit të Kishës së Shën Thanasit brenda Qendrës Historike të Dhërmiut. Ministrja Kumbaro angazhohej se “Kisha do të rindërtohej ashtu siç ka qenë kur ishte vërtetë një kishë, siç e meriton Shën Thanasi, si e meritojnë banorët e Dhërmiut, si profesorët Aleksander Meksi e Pirro Thomo e patën studiuar e rilevuar herët”. Ministrja e Kulturës, Mirela Kumbaro, mori pjesë në këtë fundjavë në ceremoninë e bekimit të punimeve për rindërtimin e Kishës së Shën Thanasit, Dhërmi.

Kumbaro në Vlorë: “ Qendra Historike shumë shpejt do të kthehet në një pol të rëndësishëm turistik”

Postuar më: 14 Prill 2018
Ministrja e Kulturës Mirela Kumbaro ka inspektuar punimet në qendrën historike të Vlorës. "Pas rikonstruksionit kjo zonë do të kthehet në një destinacion të rëndësishëm për turistët. Vlora është nga polet më të rëndësishme turistike”- u shpreh Kumbaro. Ministrja e Kultures Mirela Kumbaro ka nisur inspektimet ne qarkun e Vlores, ku së bashku me Kryetarin e Bashkisë, Dritan Leli dhe deputeten Vilma Bello ndoqën nga afër punimet në Qendrën Historike, Vlorë.

Dita Ndërkombëtare e Monumenteve dhe Sitet Arkeologjike. Viti 2018 “Trashëgimia Kulturore për Brezat”

Postuar më: 13 Prill 2018
Çdo vit më 18 Prill ICOMOS përkujton Ditën Ndërkombëtare për Monumentet dhe Sitet Arkeologjike, e cila u krijua pas miratimit nga Konferenca e 22-të e Përgjithshme e UNESCO-s në 1983. Qëllimi i kësaj dite është të inkurajojë individët dhe komunitetet lokale në të gjithë botën që të vlerësojnë rëndësinë e trashëgimisë kulturore për jetën, identitetet dhe komunitet e tyre dhe të rrisë ndërgjegjësimin për diversitetin por edhe rrezikun që i kanoset asaj duke nxitur përpjekjet për mbrojtjen e ruajtjen e kësaj trashëgimie.

Ministria e Kulturës dhe Skena e Pavarur Kulturorë në një betejë të përbashkët për Kulturën

Postuar më: 13 Prill 2018
“E ardhmja e skenës kulturore është decentralizimi, skena e pavarur, por për këtë duhet punë , emancipim dhe dialog”- u shpreh Ministrja e Kulturës, Mirela Kumbaro gjatë nënshkrimit të memorandumit të bashkëpunimit mes Ministrisë së Kulturës dhe Skenës së Pavarur Kulturore. Në ambientet e MK-së u nënshkrua Memorandumi i Mirëkuptimit midis Skenës së Pavarur Kulturore dhe Ministrisë së Kulturës për bashkëpunimin dhe konsultimin paraprak për ndryshimet në ligjin “Për Artin dhe Kulturën” .

Konkursi Mbarëkombëtar i Krijimtarisë Muzikore në gjinitë: Opera, Balet dhe Muzikal

Postuar më: 11 Prill 2018
Ministria e Kulturës e Republikës së Shqipërisë, në kuadër të vitit 2018, shpallur nga qeveria shqiptare “Viti mbarëkombëtar Gjergj Kastrioti-Skënderbeu”, në bashkëpunim me Teatrin Kombëtar të Operas, Baletit dhe Ansamblit Popullor , me përparësi për të aftësuar kapacitetet krijuese për artistë me ide inovative që i duan sfidat, shpall organizimin e Konkursit Mbarëkombëtar të Krijimtarisë Muzikore në gjinitë: Opera, Balet dhe Muzikal.

10 artistë shqiptarë në ekspozitën “Ex Gratia” në Milano

Postuar më: 10 Prill 2018
Hapet në Milano ekspozita e 10 artistëve shqiptarë “Ex Gratia”, që realizohet në bashkëpunim me Art House, Shkodër dhe Giuseppe Iannaccone, kuruar nga Adrian Paci dhe Rischa Paterlini, me bashkëpunimin special të Prof. Zef Paci. Kjo ekspozitë realizohet me mbështetjen e Ministrisë së Kulturës. “Nuk e pata menduar kurrë më parë se një ditë do të ftoja në Itali 10 artistë shqiptarë të artit kontemporan- shkruan Giuseppe Iannaccone – për të prezantuar veprat e tyre , sot që mundem ti shoh të gjithë së bashku, jam i bindur se, kur artistët bashkohen dhe prekin emocionin njerëzor, atëhere ndodh mrekullia”.