Nis rrugëtimin Skena e Re arTurbina

Postuar më: 02 Korrik 2018
Mbrëmjen e së hënës Tiranës iu shtua një Qendër e e re e Artit, arTurbina. Në ceremoninë e përurimit merrnin pjesë Kryeministri Edi Rama, Ministrja e Kulturës, Mirela Kumbaro, qytetarë, artistë të skenës shqiptare, por edhe të ftuar nga Maqedonia dhe Kosova. Ministrja Kumbaro u kujtoi të pranishmëve ‘gërmadhën’ e dikurshme që përfaqësonte kjo ngrehinë “Kjo ndërtesë ndodhej në mes të qytetit prej dekadash, e braktisur prej 25 vitesh, ekzistonte bash këtu. si një gropë gjigande me plehra, grumbull hekurishtesh industriale, që me ç’kam kuptuar në këto vite, as në kujtesën tonë s’kishe ngelur”.

“Rrugët e Besimit”, kantieret e restaurimit në 5 monumente të besimit islam

Postuar më: 29 Qershor 2018
Restaurimet dhe vëmendja ndaj objekteve të kultit janë ofertat e reja turistike të programit “Rrugët e Besimit”, nga jugu në veri. Janë ngritur kantieret për restaurimin e plotë të 5 monumenteve të kulturës së besimit islam në vend, ku ndërhyrja e parë tërësore pas dekadash lënie ne rrënim do të nxjerrë në dritë vlerat e tyre të jashtëzakonshme kulturore e artistike duke i kthyer ne referenca kyç të itinerareve turistike. “Këto kantiere janë vetëm një nga ofertat e reja turistike në programin ‘Rrugët e besimit’, ku nga Veriu në Jug, po ofrojmë vendet e kultit më tipike dhe përfaqësuese, jo vetëm të kulturës dhe artit, por edhe të bashkëjetesës fetare si një origjinalitet shqiptar” -cilëson ministrja Kumbaro fillim punimet në këto kantiere. Këto investime të rëndësishme janë ngritur në objektet e kultit në Berat: Restaurim i Xhamisë Mbret, restaurimi i Xhamisë së Beqarëve, restaurimi i Teqesë Helvetive, Xhamia e Et'hem Beut, Tiranë dhe Xhamia e Pazarit, Gjirokastër. Grupit të Institutit të Monumente të Kulturës iu bashkua për inspektim edhe profesor Aleksandër Meksi, DRKK - Berat, përfaqësues nga shoqëria turke “TÜMAS” dhe TIKA-Turkish Cooperation and Coordination Agency.

Rrugë të reja të bashkëpunimit mes Shqipërisë dhe Kosovës. Nënshkruhet në Prizren Kalendari Kulturor(...)

Postuar më: 18 Qershor 2018
Ministrat e Kulturës, Mirela Kumbaro Furxhi dhe Kujtim Gashi dakordësojnë kalendarin kulturor Shqipëri- Kosovë në Prizren, cilësuar si ‘kryeqyteti’ historik i kombit shqiptar. “ Kultura është hapësira jonë e përbashkët, pa kufij, kultura dëshmon më së miri se nuk ka kufi tjetër mes Kosovës dhe Shqipërisë përveç atyre administrativë,”- u shpreh Ministrja Kumbaro në ceremoninë e nënshkrimit. Në 140-vjetorin e Lidhjes së Prizrenit dhe në Vitin Mbarëkombëtar të Skënderbeut, Ministrja e Kulturës së Republikës së Shqipërisë, Mirela Kumbaro Furxhi dhe Ministri i Kulturës, Rinisë dhe Sportit i Republikës së Kosovës, Kujtim Gashi nënshkruan sot në ambientet e Lidhjes Shqiptare të Prizrenit. Protokollin e Bashkëpunimit për Kalendarin e Përbashkët Kulturor 2018.

Nis faza e dytë për hartimin e Strategjisë Kombëtare për Kulturën 2019 - 2025

Postuar më: 12 Qershor 2018
Ministria e Kulturës po punon për hartimin e dokumentit të 'Strategjisë Kombëtare për Kulturën 2019 - 2025', proces ky që ka kaluar në disa faza konsultimi me ekspertë shqiptarë dhe të huaj. Në fazën e dytë do të konsultohen grupet e interesit në sektorët e trashëgimisë kulturore, artit, librit, integrimit evropian, të drejtës së autorit si dhe të industrisë kreative si sektor me potencial të madh zhvillimi.

UNESCO- Shqipëria, model i zhvillimit të trashëgimisë. Kumbaro pritet nga drejtoresha e UNESCO-s Audrey Azoulay.(...)

Postuar më: 11 Qershor 2018
“Vlerësojmë shkëlqyeshëm punën dhe rezultatet e Shqipërisë në mbrojtjen, konservimin, restaurimin dhe sensibilizimin e trashëgimisë, me synimin e qartë për t’i dhënë zhvillim turizmit kulturor, përmes politikave të qarta në trashëgiminë kulturore. UNESCO vlerëson modelin shqiptar të zhvillimit duke theksuar se ai duhet treguar për të gjithë rajonin”- u shpreh Drejtoresha e Përgjithshme e UNESCO-s, Audrey Azoulay në takimin e zhvilluar me Ministren e Kulturës, Mirela Kumbaro. Gjatë qëndrimit në Paris, Ministrja e Kulturës, Mirela Kumbaro zhvilloi një vizitë në Selinë e Organizatës së Kombeve të Bashkuara për Arsimin, Shkencë dhe Kulturën, UNESCO dhe u prit në takim nga Drejtoresha e Përgjithshme e UNESCO-s, Audrey Azoulay.

Ministrja Kumbaro prezanton Ermonela Jahon në UNESCO , si Ambasadore e Vullnetit të Mirë

Postuar më: 11 Qershor 2018
Gjatë qëndrimit në Paris, Ministrja e Kulturës, Mirela Kumbaro zhvilloi një vizitë në Selinë e Organizatës së Kombeve të Bashkuara për Arsimin, Shkencën dhe Kulturën, UNESCO dhe u prit në takim nga Drejtoresha e Përgjithshme e UNESCO-s, Audrey Azoulay.

Festivali i Muzikës Jazz/ Tiranë

Postuar më: 05 Qershor 2018
Ministria e Kulturës i bashkohet nismës së Festivalit të Muzikes Jazz “Nyou”, i cili do të dëgjohet në tri mbrëmje, në datat 6,7 dhe 8 qershor, me pjesëmarrjen e kuartetit Ivan Ivanov, Marko Markovic, Dina Busic, Human Touch, Nesim Maxhuni, ZJM Big Band në amfiteatrin e liqenit. Çdo mbrëmje muzikore do të paraprihet nga paradite të dedikuara të artisteve të rinj të Liceut Artistik të kryeqytetit etj.si edhe aktivitete fëmijësh për socializimin e fëmijëve me aftësi të veçanta të sindromës down.

Kumbaro : “Kultura dhe Tirana, sfida jonë në Venecia”

Postuar më: 25 Maj 2018
#TiranaZeroSpace hapi dyert në Ekspozitën Ndërkombëtare të Arkitekturës, Venecia 2018, në prani të vizitorëve të shumtë që shprehën interes për pavijonin shqiptar, i cili prezantohet në Arsenale. Pavijoni shqiptar komisionohet dhe mbikëqyret nga Ministria e Kulturës e Republikës së Shqipërisë dhe kurohet nga një ekip që ka si emërues të përbashkët qasjen e thellë kritike ndaj projektimit, një qasje kjo, që kërkon stimujt jo vetëm në botën vizuale, por gjithashtu inspirohet nga pëlhura sociale, njerëzimi, historia dhe kultura lokale si e tërë.

“Legjendat Shqiptare në Novelat Grafike” Edicioni 4

Postuar më: 24 Maj 2018
Në vijim të promovimit dhe mbështetjes së trashëgimisë sonë kulturore, Ministria e Kulturës hap thirrjen për konkursin kombëtar “Legjendat Shqiptare në Novelat Grafike”, edicioni IV, një nismë novatore kjo, e kthyer tashmë në një traditë të suksesshme. Ky aktivitet, i cili zhvillohet edhe në kuadrin e “Vitit Mbarëkombëtar të Gjergj Kastrioti-, Skënderbeut”, synon gjithëpërfshirjen e artistëve dhe krijuesve, sidomos atyre nxënës e studentë, në shprehjen artistike inovative të temave e subjekteve, frymëzuar nga trashëgimia, historia e identiteti ynë kulturor.
Mbrëmjen e së hënës Tiranës iu shtua një Qendër e e re e Artit, arTurbina. Në ceremoninë e përurimit merrnin pjesë Kryeministri Edi Rama,(...) 02-07-2018