Buletini mujor

 TË REJAT KRYESORE PRILL 2018

logo

Buletini mujor > Rilindje Urbane

Postuar më: 30 Prill 2018

Rilindje Urbane

foto1

Qendra Historike Vlorë, një pol i rëndësishëm turistik

Vazhdojnë punimet në Qendrën Historike, Vlorë. Programi i qeverisë shqiptare, që udhëhiqet nga Ministria e Kulturës, për rijetëzimin e qendrave historike dhe kthimin e tyre në pole jo veç tërheqëse për turistët por dhe për t’i dhënë hov zhvillimit ekonomik të zonës ka filluar të japë frytet e veta. Ky projekt, me vlerë prej 535,620,000 lekësh, bëhet i mundur falë bashkëpunimit teknik dhe financiar me Fondacionin Shqiptaro-Amerikan për Zhvillim, sipas të njëjtit model me të cilin është punuar për rijetëzimin e Pazarit të Korçës, të Krujës, Gjirokastrës. Projekti parashikon restaurimin e objekteve në zemër të Vlorës, aty ku qyteti ende ruan identitetin, me gjurmë të ndërtimeve të fundit të shekullit të 19‐të dhe fillimit të shekullit të 20‐të. Ministria e Kulturës dhe Instituti i Monumenteve vazhdojnë të zbatojnë një nga politikat e rëndësishme në trashëgiminë kulturore, ku diversiteti i vlerave, kulturave dhe feve, bën pjesë në trashëgiminë që duam të ruajmë dhe promovojmë.